.png)
Dreka e shumëpërfolur e fundvitit mes deputetëve të PD-së nuk mund t’i shmangej reagimeve politike. Sali Berisha tha se dreka ishte fillim i ri, Gazment Bardhi tha të kundërtën dhe shtoi se mbledhja në një tavolinë nuk duhej parë si mesazh politik.
Por, për Tritan Shehun, një tjetër deputet të pranishëm në drekë, mbledhja e të gjithëve bashkë nuk mund të shmangte edhe situatën brenda PD-së.
“Të jesh në një drekë së bashku me kolegë është krejt normale dhe e konsideroj diçka të dobishme, aq më pak në një drekë pune ku feston dhe diskuton.
Pati diskutime për bashkimin e Partisë Demokratike, jo në prizmin e diskutimeve formale, por në prizmin e diskutimeve dashamirëse mes kolegëve.
Kur mblidhesh në atë mënyrë nuk mund të mungojnë diskutime të tilla. Personalisht në filozofinë time e shoh si diçka krejt normale, ishte një mbledhje miqësore. Pra unë e konsideroj si diçka pozitive…”, tha Shehu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje