.png)
Gazeta Si – Presidenti ukrainas Volodimir Zelenski, do të kishte ndryshuar disa plane lufte pas zbulimeve të përhapura në internet përmes publikimit të dokumenteve sekrete amerikane.
Por këto “rrjedhje” nuk kanë të bëjnë vetëm me Ukrainën. Sipas një prej këtyre dokumenteve, të datës 17 shkurt, të ekzaminuar nga gazeta “Washington Post”, dyshohet se presidenti egjiptian Abdel Fatah Al Sisi, një nga aleatët më të rëndësishëm amerikanë në Lindjen e Mesme, i cili merr rreth 1 miliard dollarë në vit ndihmë sigurie nga Uashingtoni, urdhëroi ushtrinë të prodhonte 40,000 raketa për t’i dërguar në Rusi fshehurazi, për të parandaluar që lajmi të shkaktonte “probleme me Perëndimin”.
Burime amerikane thonë për gazetën se plani nuk duket se është realizuar. Ambasadori Ahmed Abu Zeid, zëdhënës i Ministrisë së Jashtme egjiptiane, u përgjigj se qëndrimi i vendit të tij që nga fillimi është “mospërfshirja në këtë krizë dhe një angazhim për të qëndruar në një distancë të barabartë nga të dyja palët, ndërsa ne pohojmë mbështetjen e Egjiptit për Kartën e OKB-së dhe të drejtën ndërkombëtare përmes rezolutave të Asamblesë së Përgjithshme të Kombeve të Bashkuara”.
Diplomatët e Koresë së Jugut, shprehën shqetësim dje për pyetjet e shumta që po u bëhen në lidhje me angazhimin e vendit të tyre në luftën në Ukrainë – që rrjedhin nga zbulimet e përfshira në dokumentet amerikane të postuara në internet.
Shtrirja e plotë e rrjedhjes së inteligjencës nuk dihet ende plotësisht. Pentagoni po përpiqet të përcaktojë nëse dokumente të tjera administrative dhe të inteligjencës të Departamentit të Mbrojtjes u zbuluan gjithashtu.
Zëvendës Sekretarja e Shtetit, Wendy Sherman është akuzuar për drejtimin e përgjigjes diplomatike ndaj dokumenteve të klasifikuara, sipas CNN: në fakt, dëmtimi i marrëdhënieve me aleatët, konsiderohet si një nga rreziqet kryesore të rrjedhjes së lajmeve, veçanërisht ato që lidhen me telefonat, përgjimet dhe mesazhet elektronike brenda vendeve mike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje