.png)
Gjykata Kushtetuese ka vendosur të shtyjë përballjen mes qeverisë dhe presidencës për dekretet e ministrave, që shkaktuan një tjetër konflikt mes Ramës dhe Metës.
Përmes një njoftimi, Gjykata Kushtetuese ka njoftuar shtyrjen e seancës plenare për shqyrtimin e kërkesës së paraqitur nga kryeministri me objekt, “zgjidhja e mosmarrëveshjes së kompetencave mes Kryeministrit dhe Presidentit”.
Data për mbajtjen e seancës ishte caktuar në 25 prill në orën 10:00, ndërsa ajo e seancës së ardhshme nuk është njoftuar ende nga Gjykata Kushtetuese.
Sipas kësaj të fundit, në lidhje me orën dhe datën e seancës plenare, do të ndiqen rregullat përkatëse për njoftimin e palëve.
Rama kërkon interpretimin e nenit 98 të Kushtetutës pika 1 për të drejtën e emërimit dhe shkarkimit të ministrave.
Padia e shefit të qeverisë, është bërë pas përplasjeve të vazhdueshme të “dekreteve”, ku Meta vendosi të mos dekretojë ish-ministrin e Jashtëm, Gent Cakaj.
Edhe pse Meta e refuzoi dekretimin, me pretendimin e mungesës së certifikatës së sigurisë, Rama vendosi të mbante vetë postin e ministrin të Jashtëm, ndërsa Cakaj, atë të ushtruesit të detyrës.
Një përplasje e ngjashme, ka ndodhur edhe për emërimin e Sandër Lleshajt si ministër i Brendshëm, ku çështja u zgjidh me heqjen e gradave të tij deri në dekretimin nga Meta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje