.png)
Pas deklaratës zyrtare të selisë së PD-së ku hidheshin akuza të forta për Sali Berishën dhe familjarët e tij, ka reaguar Floriana Garo shefja e komunikimit e Komisionit të Rithemelimit.
“Deputeti Brava e kupton që numërimi se prapthi për të është afër fundit. I shkarkuar, i braktisur dhe i përbuzur nga demokratët deklaratat e tij ngjasojnë gjithnjë e më shumë si dy pika uji me ato të deputetit Balla që është dhe interlokutori i tij në PS pas shkarkimit.
Sot Lulzim Brava flet për Sali Berishën me gjuhën e langojve të Edi Ramës sepse në fakt ky është misioni i fundit që i ka mbetur për të bërë!
Por në çdo rast ai mbetet një version qesharak i pengmarrësit të tij. Në 8 vjet ndërkohë që Lulzim Brava shkelte mbi sakrificat e demokrateve për pazare me Ramën, shqiptarët nuk kanë dëgjuar apo parë askënd të luftojë dhe denoncojë narkoshtetin, narkotrafikantët dhe krimin e organizuar me shumë se Sali Berisha!
Akoma me qesharake vjen akuza për pastrim parash kur në fakt i vetmi politikan i akuzuar zyrtarisht për pastrim parash është vetë Lulzim Brava për pagesa deri në 800 mijë dollarë! Eshtë kjo dosje bashkë me Toyota Yaris të cilët e kanë lënë peng te Edi Rama! Eshtë mega afera e Portit të Durrësit pazar-karremi që e bën ti ku dërvihet vullnetit te demokrateve”, shkruan Garo
Më tej, ajo nënvizon: “Nuk ka bunker, bravë apo shul që do mund të pengojë vullnetin e demokratëve për ta çliruar opozitën nga pazaret dhe pengjet!”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje