.png)
Kryetari i grupit parlamentar i PS-së, Taulant Balla, është përpjekur të mbyllë debatin që krijoi më së shumti në opinion ish-zvKryeministri Arben Ahmetaj lidhur me inceneratorët.
I pyetur për një përplasje Ahmetaj- Rama për inceneratorët, Balla u përgjigj se qëndrimi i vetëm i PS për këtë cështje është raporti përfundimtar i komisionit hetimor parlamentar i miratuar në Kuvend (mars 2022) me shumicë votash (76) .
Raporti i PS për inceneratorët në fakt pastronte gjithë hallkën qeverisëse dhe i referohej vetëm procedurave të dhënies së kontratave, duke i cilësuar ato “në përputhje me legjislacionin në fuqi”. Për cështjen që janë në hetim nga SPAK, PS nuk u mor në raportin përfundimtar.
Raporti i PS-së ishte një kundër-raport për pretendimet e opozitës. “Hetimi rezultoi se opozita nuk ka asnjë qasje për të provuar akuzat për grup të strukturuar kriminal dhe korrupsion,” thuhej në përfundimet e PS
Komisioni hetimor nisi në fund të tetorit dhe zgjati një muaj duke u shoqëruar me debate dhe disa seanca maratonë dëshmish me zyrtarë të lartë, ndër ta dhe kryeministri Edi Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje