.png)
Presidenti Ilir Meta e ka nisur ditën me përkujtimin e 554-vjetorit të vdekjes së Heroit Kombëtar Gjergj Kastrioti Skënderbeu.
“Kryeheroi ynë Kombëtar, Gjergj Kastrioti Skënderbeu, krenaria dhe fuqia, trimëria dhe guximi, frymëzimi dhe lavdia jonë e çdo epoke, do të mbetet përjetë shqiptari më i gjallë ndër nesh!”, shkruan Presidenti.
Në këtë përvjetor, Shqipëria vizitohet nga Presidenti turk, Recep Taip Erdogan, ndërsa politika zien nga “Foltorja” e Sali Berishës, që thotë se lëvizja e tij synon t’i rikthejë sovranitetin Partisë Demokratike dhe shqiptarëve.
Tërthorazi, Meta duket se i cek që të dyja këto zhvillime të aktualitetit politik.
“Vepra e pavdekshme e simbolit më përbashkues, që përcaktoi përkatësinë tonë europiane do të na udhëheqë gjithmonë në çdo përpjekje për liri, sovranitet dhe dinjitet kombëtar”, shkruan Meta.
Shënimi shoqërohet me një pjesë nga filmi “Skënderbeu” me në sfond kolonën zanore të kompozitorit Çesk Zadeja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje