.png)
Kryetari i Partisë së Lirisë, Ilir Meta zhvilloi një takim me kreun e Partisë Demokratike Sali Berisha në selinë blu.
Takimi mes tyre (Meta me Petrit Vasilin dhe Berisha i shoqëruar nga Flamur Noka) nuk ka zgjatur shumë ndërsa mësohet se ne qendër të bisedës ka qenë aksioni opozitar.
PD ka filluar procesin e primareve në bazë pas miratimit të rregullores nga Këshilli Kombëtar.
Të hënën si kryetari i PD-së, Sali Berisha ashtu edhe ai i Këshillit Kombëtar Edi Paloka i mëshuan rëndësisë së bashkëpunimit me partitë aleate.
Paloka tha madje se fuqia më e madhe e PD-së ishin pikërisht aleatët.
Dhe Berisha e ka filluar nga ai më i rëndësishmi në këtë rast, Ilir Meta.
Ky i fundit, pas takimit ne mesdite me Presidentin e Republikës, Bajram Begaj, u shpreh për mediat se ishte çmallur pas rikthimit në presidencë me portretin e Isa Boletinit. “U çmalla me Isa Boletinin që ia kam marrë si pikture zotit Ruçi në kohën kur ishte në Kuvend. U gëzova që është në presidencë Akoma. Më dha kujtime dhe frymëzime shumë të forta”, tha Meta. Kryetari i PL-së, u pyet edhe për takimin me Sali Berishën në selinë blu.
“Me Berishëm kemi folur edhe për protestat edhe për zgjedhjet, kemi folur për fuqizimin e demokracisë”, tha shkurt Meta
Pas mesdite pati nje njoftim edhe nga selia e PD.
“Në takim u diskutua dhe u ra plotësisht dakord për bashkëpunimin, bashkërendimin dhe Aleancën e Partisë Demokratike me Partinë e Lirisë në zgjedhjet vendore, inisiativat parlamentare, në protestat popullore kundër pushtetit të Edi Ramës.
Takimi u karakterizua nga fryma e mirëkuptimit të plotë”, thuhet në deklaratë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje