.png)
U duk se do të kishte një ndarje të madhe për votat në Parlament për pakatën anti KÇK, por nuk rezultoi e tillë. Opozita, edhe pse një pjesë e deputetëve kishte kontestime për nismën e qeverisë, ka pranuar t’i japë votat në favor të aktit normativ të qeverisë që sekuestron pasuritë e dyshimta të njerëze të botës së krimit, ndaj të cilëve ka pasur një vendim gjykate. Me 89 vota pro, 17 kundër dhe 3 abstenime është kaluar ky akt normativ. I njohur si ligji anti KÇK, pas shprehjes së Ramës “kap ça të kapësh” si nismë kundër gjyqtarëve dhe prokurorëve të korruptuar, akti u miratua nga qeveria në 31 janar dhe se Parlamenti kishte 45 ditë kohë për ta miratuar, nëse jo, ai rrëzohej dhe ishte i pavlerë.
Gjithashtu, Kuvendi miratoi me ligjin për sekuestrim dhe konfiskim të pronave me 86 vota pro, 17 kundër dhe 4 abstenim, si dhe ligjin e ri për kalimin e titujve të pronësisë, me 94 vota pro.
Akti Normativ si dhe ligjet e tjera pritet të shkojë te presidenti për dekretim. Këto nisma janë kundërshtuar ashpër nga ana e opozitës dhe pritet që presidenti Meta të mos i pranojë këto nisma, nisur nga fakti se tashmë ai po i rrëzon në bllok ligjet e debatueshme dhe konflikti politik është në nivelin më të lartë. Vetë kreu i shtetit pas manifestimit të 2 marsit ka kthyer mbrapsht dy ligjet për betimin e anëtarëve të Gjykatës Kushtetuese dhe për marrjen e masave disiplinore të gjyqtarëve dhe prokurorëve, si dhe ka kërcënuar se do ta shpërndarje Parlamentin me anë të një dekreti të veçantë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje