.png)
Tani Boris Johnson është në telashe të vërteta. “Partygate”, skandali i festave në Downing Street kur Britania ishte në izolim të plotë nga pandemia, e ka vënë përpara si një uragan.
Zbulimet e fundit, vënë drejtpërdrejt në pikëpyetje besueshmërinë e kryeministrit. Telashi i ri ndaj Johnsonit, është një email i dërguar nga sekretari i tij privat më 20 maj 2020, duke ftuar mbi 100 njerëz në një festë në kopshtin e Downing Street (godina e qeverisë angleze) “për të përfituar nga moti i këndshëm”: “Sillni shishen!” përfundonte mesazhi.
Në atë kohë, Britania ishte në izolim dhe lejohej të takohej jo më shumë se një person jashtë, për më tepër duke mbajtur distancë dy metra larg: rregulla që sapo ishin ripërsëritur atë ditë në një konferencë shtypi të qeverisë.
Imagjinoni atëherë të organizohej një festë në kopsht: aq sa edhe disa zyrtarë të Downing Street kishin reaguar me hutim ndaj ftesës, duke u përgjigjur “a janë seriozë?”.
Ajo që është më e keqja, vetë Boris do të kishte marrë pjesë në festën e alkoolistëve së bashku me të dashurën e tij të atëhershme, Carrie dhe i inatosur për këtë çështje, kryeministri ka shmangur mohimin (sepse padyshim nuk mundet).
Rezultati është se Scotland Yard tani po heton çështjen, e cila tashmë ka kontaktuar zyrat qeveritare.
Por kjo e fundit është vetëm festa e fundit e bërë publike: dhjetorin e kaluar, të paktën pesë festa të tjera ishin mbajtur në Doëning Street midis nëntorit dhe dhjetorit 2020, kur rregulloret anti-Covid i ndalonin ato. Dhe një siklet i veçantë, në mos tmerr, kishte ngjallur videoja e zëdhënëses së atëhershme të Boris, Allegra Stratton, e cila qeshte për festat klandestine (ajo dha menjëherë dorëheqjen para Krishtlindjeve).
“Partygate” është një skandal që po shkatërron besueshmërinë e qeverisë dhe në veçanti të Johnson-it, tashmë i minuar javët e fundit nga sjellje të tjera, për të mos thënë aspak, rastësore.
Nga përpjekja për të mbrojtur një deputet konservator të akuzuar për lobim të paligjshëm, deri te zbulimet për rinovimin e banesës private të Doëning Street, e paguar nga një donator partie. Ndjenja është ajo e një institucioni që praktikon një standard të dyfishtë: një rregull vlen për njerëzit, një tjetër për të fuqishmit.
Por kur jetët e njerëzve janë në rrezik, si për shembull gjatë emergjencës Covid, është sjellje rrënqethëse dhe jo një gafë.
Opinioni publik britanik ka filluar të vërë re. Popullariteti i Johnson ra ndjeshëm dhe laburistët kanë kaluar kryesisht konservatorët në sondazhe. Pak para Krishtlindjeve, partia e kryeministrit u mund në një zgjedhje të madhe të brendshme, duke humbur një mandat që kishte mbajtur për dy shekuj.
Me vitin e ri, Boris shpresonte të linte pas polemikat dhe të rifillonte falë optimizmit të ripërtërirë për pandeminë, e cila ka hyrë në një fazë të re, por tani gjithçka është kthyer si në fillim.
Dhe ata po e marrin parasysh këtë edhe brenda konservatorëve. Reagimet në parti përballë këtyre zbulimeve të fundit janë të furishme dhe po fiton terren opinioni se qeveria e Johnson tani është e padrejtë, e aftë vetëm të kalojë nga një budalla në tjetrin.
Prandaj nuk është mister që gara për pasardhësin e Borisit tashmë ka filluar gjerësisht: dy sfiduesit kryesorë janë kancelari i Thesarit, Rishi Sunak dhe ministrja e Jashtme, Liz Truss.
Marrëdhënia konservatore me Johnson ka qenë gjithmonë pragmatike: ai u zgjodh si lider vetëm sepse ishte në gjendje të fitonte zgjedhjet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje