.png)
Kryeministri Edi Rama i është përgjigjur Presidentit Ilir Meta, që kërkoi referendum për ndryshimet kushtetuese, që po shqyrtohen në Kuvend si nismë e opozitës parlamentare.
“IM thotë ndryshimi i sistemit, heqja e koalicioneve, hapja e listave bëhen vetëm me referendum! Askund nuk bëhet referendum për këto çështje. Ndërsa këtu as sistemi s’do ndryshojë,as koalicionet s’do ndalohen,po listat do hapen nga Kuvendi i Shqipërisë me ligj, me zakon e me karton!”, deklaroi Rama.
“Sa për modelin lindor, modeli i koalicionit që kemi s’është as perëndimor,as jugor,as verior dhe prandaj nuk gjendet askund në lindje a në perëndirm! Modeli i ri do të jetë gjerman e plotësisht europian, koalicion tamam, me zë, figura e program,jo kosh karavidhesh pa din as iman!”, vijon Rama.
Më herët, Presidenti Ilir Meta tha se ndryshimet kushtetuese prishin marrëveshjen e 5 qershorit mes Partisë Socialiste, Partisë Demokratike dhe Lëvizjes Socialiste për Integrim të arritur në Këshillin Politik dhe tha se modeli i koalicioneve të propozuara nga Rama është modeli lindor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje