.png)
Pjesëmarrjen në ceremoninë e nënshkrimit të memorandumit të mirëkuptimit mes Albgaz dhe Overgas, Kryeministri Edi Rama e ka shfrytëzuar për të diskutuar me ish-Sekretarin e Shtetit, Mike Pompeo.
“Me Sekretarin e Shtetit Amerikan, Mike Pompeo, folëm për lidhjen e ngushtë mes Shqipërisë e SHBA, pasojat e luftës mbi zinxhirin ekonomik, projektet amerikane në Shqipëri, situatën në rajon dhe bukurinë e rrallë të vendit tonë”, shkruan Rama në rrjetet sociale.
Mike Pompeo mbërriti pasditen e së dielës në Shqipëri për të marrë pjesë në konferencën e organizuar me rastin e 100-vjetorit të vendosjes së marrëdhënieve Shqipëri-SHBA.
Në fjalën e mbajtur në këtë konferencë, Pompeo u përqëndrua te mesazhi për nevojën e vullnetit për të luftuar korrupsionin nga të gjitha krahët. Ai e cilësoi korrupsionin si rrezik madhor për demokracinë dhe lirinë.
Vizita në Shqipëri e ish-Sekretarit përmbyllet me një ndalesë në kampin e muxhahedinëve iranianë në Manzë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje