.png)
Kreu i Partisë Demokratike Lulzim Basha, ka reaguar pak pas shpërndarjes së raportit final i OSBE/ODIHR për zgjedhjet shqiptare të 25 prillit.
Sipas Bashës, gjetjet e raportit konfirmojnë se “me 25 prill u tjetërsua vullneti i shqiptarëve”.
Sipas tij raporti evidentoi një seri parregullsish të theksuara nga ana e qeverisë, si “blerja masive e votave, presioni ndaj votuesve, abuzimi me pushtetin dhe funksionet publike, presion mbi administratën publike për të votuar partinë në pushtet, Vjedhja e të dhënave private dhe personale të shqiptarëve nga partia në pushtet dhe ngritja e sistemit kriminal të patronazhistëve”.
Për kreun e opozitës, situata është ashtu siç e ka përshkruar ai që nga dita e parë pas zgjedhjeve, “një masakër zgjedhore”.
“Raporti konfirmon atë që të gjithë shqiptarët e dinë tashmë: 25 prilli nuk kishte lidhje me demokracinë dhe zgjedhjet e lira e të ndershme”, përfundon Basha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje