.png)
Shqipëria ka reaguar sot në lidhje me “rrëmbimin” e një avioni të linjës ajrore Ryanair nga ana e Bjellorusisë, për arrestimin e një gazetari, duke kërkuar hetim ndërkombëtar pvr ngjarjen.
“Të shokuar nga rrëmbimi i Ryanair. Shqipëria bashkohet me thirrjet për hetim ndërkombëtar për këtë incident të rëndë dhe të rrezikshëm dhe lirimin e Roman Protasevich”, shkruan ministrja Olta Xhaçka në një postim në Twiiter.
Me urdhër të presidentit bjellorus, Lukashenko avioni që fluturonte nga Greqia në Lituani ka devijuar duke u ulur në Minsk. Qeveria e Lukashenkos pretendon se ka patur një alarm për bombë, por qëllimi ka qenë arrestimi i një gazetari-kritik të Lukashenkos i cili është dënuar me burg të përjetshëm.
Shefi ekzekutiv i Ryanair Michael O’Leary është mes atyre që akuzuan Bjellorusinë për pirateri dhe thotë se agjentë të KGB-së mund të kenë qenë në bord dhe pas uljes së avionit janë zhdukur.
Ryanair thuhet të ketë detajet e pasaportës së këtyre agjentëve që u zhdukën pas zbarkimit si dhe informacione të tjera që mund të ndihmojnë në hetim.
Shefi i policisë lituaneze tha se 126 pasagjerë ishin nisur nga aeroporti i Athinës dhe 121 kishin arritur në Vilnius.
Liderët europianë do të flasin për këtë çështje në takimin e sotëm. Ata kanë dënuar aktin e presidentit Lukashenko dhe kanë njoftuar se do vendosin sanksione të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje