.png)
Kryeministri Edi Rama ka zgjedhur të reagojë pa fjalë pas deklaratave të Sali Berishës, që konfirmoi se ishte shpallur ‘non grata’ edhe nga Britania e Madhe.
Rama ka publikuar një foto-kopertinë nga libri me kujtime të Enver Hoxhës, “Rreziku anglo-amerikan” për Shqipërinë.
Kaq është publikimi, por domethënia është e qartë dhe ironi me deklaratat e Berishës në konferencën për shtyp.
NO COMMENT🤫 pic.twitter.com/MjQisr5D0T
— Edi Rama (@ediramaal) July 22, 2022
Ish-Kryeministri tha se ishte njoftuar me një letër nga Ambasada Britanike se ishte shpallur i padëshirueshëm për të hyrë në Britaninë e Madhe. Ai tha gjithashtu se edhe ndaj këtij vendimi do të ndjekë të njëjtën rrugë; atë të padisë.
Berisha nënkuptoi se padinë mund të ngrejë në Britaninë e Madhe, ose në Strasburg, ndërsa vendimin përfundimtar do ta marrë pas këshillimit me ekspertët ligjorë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje