.png)
Kreu i grupit parlamentar të Partisë Socialiste Taulant Balla, i ka bërë thirrje opozitës ditën e sotme nga Kuvendi që t’i bashkohet gjatë seancave plenare që të zhvillojnë se bashku çështjet e përbashkëta.
Në lidhje me akuzat e opozitës ai është shprehur se humbësi e sheh fajin gjithmonë tek kundërshtari dhe se nuk e shikon kurrë atë çfarë ka bërë gabim.
“Unë mendoj se gjithmonë humbësi e sheh fajin te kundërshtari dhe nuk shikon se çfarë ka bërë gabim është një çmenduri. Le të vijojnë që të insistojnë në të njëjtën gjë. Kuvendin e nisi seancën me miratimin e dy marrëveshjeve të rëndësishme. I pari lidhet me një investim që i jep Shkodrës një lidhje të re dhe të bukur me Ulqinin, Ura mbi Bunë i jep mundësi shumë mundësi dhe qasje të re në turizëm.
Duke e konsideruar Shkodrën që të jemi shumë përgjegjës për punën që kemi për të bërë e kemi me votimin për këtë marrëveshje dhe pika tjetër është një marrëveshje tjetër me Gjermaninë që lidhet me pjesën më të madhe të bashkive për të përmirësuar infrastrukturën rrugore.
Mendoj se e kemi nisur këtë seancë të parë me dy projektligje të rëndësishme dhe besoj se apeli im dhe pse opozita e nisi punën me këtë bojkot, thirrja ime është që opozita ti kthehet punës në kuvend se na duhet të punojmë së bashku për një sërë çështjes, për çështje me rëndësi si reforma zgjedhore dhe të përfundojmë në kohë disa propozime të PS që lidhet me reformën zgjedhore.
Thirrja ime është dhe për zgjedhjen e Avokatit të Popullit, ku opozita nuk mund ta marrë peng zgjedhjen e tij për rolin që ai ka për qytetarët. Nga dita e hënë ne i kërkojmë opozitës duke qenë se kushtetuta na imponon një shumicë, duhet që të ulemi për kandidatin”- tha Balla.
Kreu i Grupit Parlamentar të Partisë Socialiste, Taulant Balla, është pyetur nga gazetarët edhe në lidhje me videon e publikuar, disa ditë më parë, ku aludohet se ka pasur një takim në një apartament në Tiranë në dhjetor të 2022, me Lulzim Bashën.
Balla u shpreh me ironi duke thënë se ka qëlluar në një ashensor edhe me Sali Berishën, por kjo nuk do të thotë se janë takuar.
“Unë kam qëlluar në një ashensor dhe me Sali Berishën. Nuk e kam takuar as këtë”, deklaroi Balla për gazetarët jashtë Kuvendit pas seancës plenare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje