.png)
Jo të gjithë demokratët e cilësojnë votimin për kryetar partie këtë të diel si shpalosje demokracie dhe dritë shprese për shqiptarët, ashtu siç e cilësoi Sali Berisha pas hedhjes së votës në selinë e PD-së.
Edvin Kulluri e krahason procesin të ngjashëm me atë të 13 qershorit të vitit të kaluar, kur u rizgjodh Lulzim Basha.
“Ashtu siç pritej dhe e kam konstatuar prej muajsh, situata në Partinë Demokratike mbetet po aq e rëndë sa përpara 9 shtatorit 2021! Sot në orën 11:15 shkova të votoj për kandidatët për kryetar të PDSH pranë qendrës se votimit në degën nr. 2, Tiranë. Me keqardhje konstatova se krejt ndryshe nga Referendumi i 18 dhjetorit, pjesëmarrja në votime ishte shumë e ulët. Në 18 dhjetor, ashtu siç edhe mediat disponojnë pamjet filmike, radha e votuesve në pritje për të votuar ishte e gjatë. Sot, ishte e njëjta situate si në 13 qershor kur Basha kërkoi të zgjidhej pas 4 zgjedhjesh të humbura! Sërish pas një viti, atmosfera është dramatike. Mungesë totale optimizmi, indiferencë dhe zhgënjim!”, shkruan ai.
Sipas Kullurit, PD nuk po del dot nga kriza e thellë politike që e ka pushtuar të paktën që nga viti 2017!
“Leximi i keq qëllimisht apo jo qëllimisht që ju bë Kuvendit të 11 dhjetorit dhe Referendumit të 18 dhjetorit nga Berisha dhe Komisioni i Rithemelimit na çoi në rezultatin e 6 marsit dhe zgjedhjet e sotme!”, vijon ai.
Në fund, Kulluri uron “që Komisioni Elektoral mos të bëjë të njëjtën gjë si në 13 qershor, ku u mbushën kutitë e votimit duke manipuluar hapur zgjedhjet për kryetar të PDSH!”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje