.png)
Gazeta Si – Ambasadorja amerikane në Tiranë Yuri Kim, ka përsëritur qëndrimin e SHBA-ve se procesi i zgjedhjes së kreut të ri të SPAK, nuk duhet të ndikohet nga ata që synojnë të manipulojnë hetimet.
Kim thotë se javët e fundit është takuar me çdo anëtar të KLP-së, duke nënvizuar rëndësinë e zgjedhjes së një kryetari të ri të SPAK që do të intensifikojë pa frikë dhe favore luftën kundër korrupsionit dhe krimit të organizuar.
Në një postim në rrjetet sociale, diplomatja amerikane shtoi se prokurorët dhe gjyqtarët duhet t’i trajtojnë të gjithë të barabartë përpara ligjit.
Kim shprehet se Reforma në Drejtësi është kërkesë e drejtë e popullit shqiptar dhe SHBA do të vazhdojë ta mbështesë këtë.
1/4 Over the last week, we have met with every member of the High Prosecutorial Council (HPC) to underscore the importance of selecting a new chief of SPAK who – without fear or favor – will intensify the fight against corruption & organized crime.
— Ambassador Yuri Kim (@USAmbAlbania) December 14, 2022
“Javën e fundit jemi takuar me çdo anëtar të Këshillit të Lartë të Prokurorisë (KLP) për të nënvizuar rëndësinë e zgjedhjes së një kryetari të ri të SPAK-ut, i cili, pa frikë e favore, do të intensifikojë luftën kundër korrupsionit dhe krimit të organizuar.
Procesi i përzgjedhjes nuk duhet të ndikohet nga ata që kanë interes për të kufizuar apo manipuluar hetimet. Ky është i gjithë thelbi i reformës në drejtësi, drejtësia duhet të jetë e verbër përpara pushtetit, prokurorët dhe gjyqtarët duhet t’i trajtojnë të gjithë të barabartë përpara ligjit, institucionet duhet të jenë të pavarura.
Reforma në Drejtësi nuk është vetëm një kërkesë për anëtarësimin në BE, është kërkesë e drejtë e popullit shqiptar. SHBA do të qëndrojë gjithmonë me popullin e Shqipërisë. Ne do të vazhdojmë të mbështesim me vendosmëri zbatimin e Reformës në Drejtësi. Kjo nuk do të ndryshojë.
Ne do të monitorojmë nga afër procesin e përzgjedhjes në SPAK për të siguruar që Reforma në Drejtësi të ecë përpara”, shkruan Kim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje