.png)
Pas qëndrimit të kryeministri Rama se është gati të ulet në Këshillin Politik edhe me Bashën e Metën për ndryshimet kushtetuese, vjen edhe reagimi i gjatë i opozitës së bashkuar.
Opozita e bashkuar shpreh gatishmërinë të vijojë diskutimin dhe punën në Këshillin Politik për çdo temë dhe çështje që lidhet me zgjedhjet, duke nisur nga sot, “por pa penguar apo vonuar miratimin pa ndryshime, sa më parë të dakordësisë së 5 Qershorit”
Diskutimi për ndryshimet kushtetuese në Këshillin Politik nuk do të jetë i lehtë. Debati rihapet, por palët nuk lëshojnë pe nga qëndrimet paraprake.
Sipas opozitës së bashkuar, ndryshimet kushtetuese, jo vetëm prishin marrëveshjen e arritur mes palëve, por ato “duhet të jenë në përputhje me Rekomandimet dhe praktikat më të mira të OSBE dhe Komisionit të Venecias”.
” Marrëveshja politike e 14 Janarit dhe Dakordësia e 5 Qershorit të arritura me ndihmën e partnerëve strategjikë SHBA dhe BE duhen respektuar plotësisht dhe pa ndryshime nga të gjitha palët.
Sipas këtyre marrëveshjeve, çështjet e dakordësuara në 5 Qershor duhet të aprovohen pa asnjë ndryshim dhe pa vonesa të mëtejshme për të mundësuar zbatimin e dispozitave të reja zgjedhore, duke përfshirë ngritjen e KQZ së re dhe fillimin nga puna për zbatimin e identifikimit biometrik të zgjedhësve.
Për pasojë, çdo diskutim tjetër, sipas Marrëveshjes, NUK mund të vonojë apo pengojë kodifikimin e Marrëveshjes së 5 Qershorit…”, thuhet në deklaratën e opozitës së bashkuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje