.png)
Ambasadorja e SHBA në Tiranë, Yuri Kim, ka zhvilluar një takim në ambientet KQZ-së me kreun e saj, Ilirjan Celibashi.
Nuk dihet ende objekti i takimit ndërsa mësohet se ai vjen në kuadër të reformës zgjedhore ku janë angazhuar për të punuar partitë kryesore politike në vend, ndërsa mandati i komisioni të Posaçëm parlamentar u shty për 6 muaj.
Por një nder temat e nxehta të saj është edhe financimi i partive politike.
Takimi vjen edhe një ditë pas publikimit nga VOA të një raporti të kundërzbulimit amerikan ku përfshin financimet ruse për partitë politike në botë, ndër to edhe PD-ja në zgjedhjet e vitit 2017.
Në zyrën e Celibashit kanë shkuar edhe ish kryetarja e LSI-së, Monika Kryemadhi, deputetja e PD-së, Jorida Tabaku dhe sekretari i Përgjithshëm i PS-së, Damian Gjiknuri.
Yuri Kim nuk bëri asnjë deklaratë pas takimit në KQZ, ndërsa të premten do të takojë dy kryetarët e grupeve parlamentare, Taulant Ballën e PS dhe Enkelejd Alibeajn e PD.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje