.png)
Hera e fundit që strukturat vendore të Partisë Socialiste iu nënshtruan një procesi zgjedhor masiv ishte maji i 2017-s, që pasoi një vit më vonë konfirmimin e Edi Ramës për mandatin e dytë në pushtet dhe sipas parashikimeve të statutit, ai rizgjidhej automatikisht kryetar i Partisë Socialiste.
Por, rezultati poshtë pritshmërive i partisë në disa qarqe hapi një garë të re zgjedhjesh vendore për socialistët në vjeshtën e 2017-s dhe në një kohë kur nuk ishte konsoliduar ende mirë pozicioni i drejtuesit politik të qarkut.
Zgjedhjet për kryetarë pati në disa degë, por në një pjesë të mirë të tyre drejtimi i degëve është bërë përmes kryetarëve të përkohshëm të komanduar që katapultoheshin nga ana e kryesisë së partisë.
Gjashtë vite nga procesi i përgjithshëm i zgjedhjes së 61 drejtuesve të degëve, PS do t’i nënshtrohet një procesi të ngjashëm në formë, por më të thelluar në përmbajtje, të paktën sipas projekt-statutit që është prezantuar në media ditën e hënë.
Zgjedhje pati për kryetarët e degëve brenda në 23 bashki edhe në fund të 2019 dhe fillim të 2020-s, në një proces ku Tirana iu besua dy bashkëkryetarëve Elisa Spiropali dhe Ervin Bushatit.
Procesi i këtij viti do të rikthejë për herë të parë zgjedhjen e kryetarëve të degëve të PS-së në të gjithë vendin, ndonëse jo me parimin “një anëtar, një votë”, pasi sipas statutit, ata zgjidhen nga Asambletë e Socialiste në nivel bashkishë. Megjithatë, këto zgjedhje i japin fund praktikës së komandimit dhe përputhin plotësisht me parashikimet statutit kryetarët e rinj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje